التحويل من الجامعات السودانية الي الجامعات المصرية
في الآونة الأخيرة اسألة كتيرة تدور في وعن الطلاب بموضوع التحويل من السودان والدراسة في مصر وهذا الأمر ممكن ولكن فيه بعض التأخير ، فنصيحتي للأشخاص اللي درسوا السنة الأولي والثانية انوا يقدموا من الاول وذلك لسبب واحد وهو أن التحويل ما فيهو تخفيض اي الطالب المحول يدفع الرسوم كاملة مثلا طالب طب يدفع 8000$ وطالب الهندية يدفع 6000$ أما التقديم من الاول والبداية من السنة الأولي الطالب يحصل علي تخفيض 60% اي طالب الطب يدفع 2400$ وطالب الهندسة يدفع 1800$ ، أما إذا كان عايز تدرس برسوم مخفضة جدا فهنالك فرصة ، جامعة الأزهر الشريف عاملة تقديم خاص للسودانيين وأنهم سيعاملوا معاملة الطالب المصري في القبول والرسوم ، اي سيدفع بالجميع المصري وغالباً الرسوم من 1000 جنيه مصري الي 6000 جنيه مصري من غير رسوم حداثة مؤهل .
اضغط هنا لتتعرف علي التفاصيل أكثر للتقديم في جامعة الأزهر الشريف
متطلبات التحويل
1/ بيان الدرجات Description موثق
2/ شهادة قيد موثقه
3/ شهادة الثانوية موثقه
4/ المحتوى العلمي او دليل الجامعه او دليل الكليه كلها تدي نفس المعنى اسأل عنو في الشؤون .
5/ صورة من جواز سفر سارى
🎆اي توثيق يعني توثيق الخارجية و القنصلية المصرية .
🎆بيان الدرجات و شهادة القيد بيتم ختمهم في الجامعه و التعليم العالي قبل الخارجية و شهادة الثانوية تختم في التربية و التعليم قبل الخارجية .
🎆ملحوظه مهمه إذا انت قديم في الجامعه و اتاجلت سنه او سنتين بأي سبب في الجامعه لازم يتوضح ده في شهادة القيد مثلاً في بعض الناس الجامعه في ٢٠٢٠ قفلت بسبب كرونا لازم يتم ذكر الكلام ده في شهادة القيد لو انت في سنه تالته و ليك ٥ او ٦ سنين في الجامعه لازم يتم توضيح السنين الاتنين او التلاته دي كانت وين .
بعد تجهز الورق عندك واحد من خياريين .
أولا : تجي بنفسك و تمشي ادارة الوافدين و تاخد خطاب للجامعة اللي انت محول ليها او تسلمهم الورق و هم بخاطبو الكلية و غالباً ده اللي هيحصل و في الحالة دي بتنتظر من شهر لسته شهور علشان الكلية ترد او تمشي بالخطاب بنفسك و تفضل ساكي الموضوع لحد ما ترد ليك الكليه .
تانياً : ممكن توكل زول قريبك او صديقك او اخوك او اختك او ابوك او مكتب بتوكيل رسمي من المحامي او المحكمه و يتم توثيقه برضو في وزارة العدل و الخارجية و القنصلية المصرية و تفضل متابع معاه .
نجي بالنسبة لردود الجامعه ....
واحد من تلاته احتمالات
الاول : ينزلوك من حيث انتهيت في السودان .
التاني : ينقصوك سنه او اتنين .
التالت : تنزل من اولى ....
👈و الكلام ده بيعتمد على المقاصه الداخلية للكليه بعد ما يعملو مجلس كلية و يقرر حتنزل من وين .....
👈المجلس و المقاصه بيتعمل اعتماداً على المواد اللي درستها في السودان و لو نزلوك من اولى اي مادة انت اخدتها ممكن ما تمتحن فيها تتخط ليك درجتك فقط حقت السودان .....
◾ مميزات الدراسة بمصر :
-تخفيض 90% في الرسوم الدراسية للطلاب السودانيين .
-القرب الجغرافي لمصر مع السودان.
-الاستقرار الدراسي:
العام الدراسي في الجامعات المصرية مستقر لا تعيبها أي معيقات ،لا تتوقف الدراسة لأي أسباب ،بالإضافة لخطة دراسية واضحة حتى إكمال الدراسة.
- نظام الدراسة
تطبق مصر احدث الأنظمة الدراسية :
◾نظام الساعات المعتمدة.
◾ نظام الميديول .
- الاعتماد
جميع الجامعات حكومية تحتل مكانه مميزة في التصنيف العالمي وفي معظم المؤشرات. حارفق ليكم صور للجامعات المعتمدة بالنسبة لكلية الطب تحت 👇
- انخفاض تكاليف السكن و المعيشة.
- الاهتمام بالطلاب الوافدين.
- تتمتع مصر بمناخ جيد و يمكن للطلاب الاستمتاع بالأماكن السياحية المتنوعة، حيث تقام رحلات ترفيهية في الجامعات لزيارة المناطق السياحية في مصر وتكون بأسعار مخفضة بشكل كبير.
-سهولة المواصلات و انخفاض اسعارها.
◾لغة الدراسة
لغة الدراسة الرسمية هناك الانجليزية إلى جانب اللغة العربية.
◾الرسوم :
"يدفع الطلاب السودانيين 10% من رسوم السنة الدراسية في مختلف المراحل الجامعية حارفق ليكم صور للتخصصات والرسوم بتاعتها بالدولار تحت 👇
◾تكاليف المعيشة :
- تختلف تكلفة المنصرفات الشخصية من أكل و شرب باختلاف الأشخاص.
يعتبر الحد الأدنى حوالي (4000) جنيه مصري في الشهر ما يعادل بالسوداني حاليا 60 الف سوداني.
◾ يوجد رسوم تسجيل للعام الاول فقط بالجامعة (150 دولار)
🔴 المتطلبات للتقديم في الجامعات المصرية 👇
🔴صورة من الشهادة الثانوية
🔴صورة من جواز السفر ساري المفعول
🔴صورة من شهادة الميلاد
🔴 كتابة الرغبات (متاح التقديم على 10 رغبات)
🔴 صورة شخصية بخلفيه بيضاء (4×6)
🔴أسامي الوالدين رباعيه وتاريخ ميلادهم(يوم/شهر/سنه) او صورة جواز لكلٍ منهم
🔴 رسوم التقديم عبارة عن 2060 جنيه مصري تدفع عند التقديم
*نعلن* عن بدء استقبال الملفات والطلبات للطلاب الراغبين في الإلتحاق بالجامعات المصرية
نظراً لاقتراب مواعيد التقديم المقرر لها بإذن الله تعالى بداية شهر ٦ المقبل
*سارعووا* في إرسال الأوراق المطلوبه لحجز مقعدك معنا لضمان الالتحاق بالجامعات والتسجيل مبكرًا
شاهد الفيديو في الاسفل للمزيد من التفاصيل 👇