المجالات العلمية والأدبية في جامعة الأزهر الشريف بمصر
السلام عليكم ورحمة الله وبركاته متابعي منصة دليل اونلاين للمنح الدراسية للطلاب مرحبا بكم في فقرة أدرس في مصر وفقرة المنح الدراسية ، سنواصل ما بدأناه من شروحات التقديم لجامعة الأزهر الشريف، حيث سنتحدث اليوم عن الكليات الموجودة في الازهر والغير موجوده حتي يكون الطالب علي دراية كاملة بالموضوع
المجالات العلمية والأدبية للطلاب :-
١. الطب البشري
٢. طب الاسنان
٣. الصيدلة
٤. الهندسة
٥. اللغة العربية
٦. اللغات والترجمة
٧. اللغات والترجمه شعبة الدراسات الاسلاميه (لغة اوردية)
٨. دراسات اسلامية وعربية
٩. اصول الدين
١٠. التجارة عربي
١١. الدعوة الاسلامية
١٢. التربية عام
١٣. العلوم
١٤. الزراعة
١٥. القران الكريم وعلومه(طنطا)
١٦. الهندسة الزراعية
١٧. التربيه تخصص التعليم الاساسي
١٨. اللغة العربيه شعبة التاريخ والحضارة
١٩. الاعلام
٢٠. اللغات والترجمة دراسات اسلامية لغة انجليزية
٢١. لغات وترجمه دراسات اسلاميه لغة فرنسية
٢٢. لغات وترجمه دراسات اسلامية لغة المانية
٢٣. لغات وترجمه شعبة الترجمة الفورية انجليزي
٢٤. لغات وترجمه دراسات اسلاميه افريقية
٢٥. كليه التربية شعبة المكتبات والمعلومات
٢٦. تربية رياضية
٢٧. لغات وترجمه شعبة اللغة الانجليزية
٢٨. العلوم الأسلامية والعربية
٢٩. شريعة وقانون لغة اجنبية (خاصه)
٣٠. شريعة وقانون قسم الشريعه والقانون
٣١. شريعة وقانون قيم الشريعة الاسلامية
٣٢. التجارة لغة انجليزية(خاصة)
المجالات العلمية والأدبية للطالبات في الازهر الشريف :-
١. الطب البشري
٢. طب الاسنان
٣. الصيدلة
٤. الهندسة
٥. العلوم
٦. الدراسات الانسانية لغة المانية
٧. الدراسات الانسانية لغة اسبانية
٨. الدراسات الانسانيه رياض اطفال
٩. الدراسات الانسانية والعربيه شعبة الصحافه والاعلام
١٠. الدراسات الانسانية والعربيه شعبة الشريعة والقانون
١١. التجارة
١٢. التجارة لغة انجليزيه (خاصة)
١٣. الدراسات الانسانية لغة انجليزية (خاصه)
١٤. الدراسات الانسانية الوثايق والمكتبات
١٥. كلية العلوم الإسلامية والعربية
١٦. الدراسات الإسلامية والعربيه اصول دين
١٧. الدراسات الإسلامية والعربية شريعة اسلامية
١٨. الدراسات الانسانية الاجتماع
١٩. الدراسات الانسانية جغرافيا
٢٠. الدراسات الانسانية تاريخ
٢١. الدراسات الانسانية علم نفس
٢٢. الدراسات الانسانية لغة اوردية
٢٣. الدراسات الانسانية لغة فارسيه
٢٤. الدراسات الانسانية لغة تركيه
٢٥. الدراسات الانسانية لغات اوربية فرنسي
٢٦. الدراسات الاسلامية والعربية شريعه وقانون لغة انجليزية ( خاصة)
٢٧. التمريض
٢٨. الدراسات الاسلامية والعربية لغة عربية
المجالات الغير متوفره في الازهر هي :-
١-كلية طب العلاج الطبيعي
٢-كلية الطب البيطري
٣-كلية الحاسبات والمعلومات
٤-كلية الذكاء الاصطناعي
٥-كلية الفنون الجميلة
٦-كلية الفنون التطبيقية
٧-كلية الاثار
٨-كلية التمريض للبنين
٩-كلية القران الكريم
١٠-كلية السياحة و الفنادق
١٢-كلية الاقتصاد والعلوم السياسية
١٣-كلية الدعوة الإسلامية للبنات
١٤- كلية الحقوق
١٥-كلية الهندسة الزراعية للبنات
بالنسبة لاقسام الهندسات الغير متوفرة:
- هندسة كيميائية
- هندسة طيران
- هندسة طبية
تنوية حاسبات ومعلومات موجوده بأسم اخر في مصر وتعتبر داخل كليات الهندسة وهي كلية قائمة بزاتها اللي هي نظم وحاسبات او هندسة حاسبات وتضم كل التخصصات التي تشمل البرمجيات و الهارد وير والسوفت وير
اقسام الهندسة في جامعة الازهر
🇸🇩هندسة كهرباء
🇸🇩هندسة ميكانيكا [ للبنين فقط ]
🇸🇩هندسة بترول ومعادن
🇸🇩هندسه مدنية
🇸🇩هندسة معمار
🇸🇩 هندسة نظم ومعلومات اللهي هندسة حاسبات وبرمجيات
الفقرة الثانية
الشهادة والقبول
1/الشهادة الممكن تقدم بيها لازم تكون حديثة من 2021 وقدام اذا اقل من 2021 تعتبر شهادة قديمة يعني اذا شهادتك 2020 او 2019 أو 2018 وانت ماشي بعملوا لك حاجة اسمها حداثة مؤهل.
وهي عبارة عن امتحانات في المواد الموجودة في شهادتك بمتحنوك فيها بالمنهج المصري.
المطلوب مني شنو الان انا اذا شهادتي قديمة؟
المطلوب منك يا سيدي تذاكر المواد الموجودة في شهادتك مواد علمية أو أدبية
نذاكرها من المنهج السودانى؟
لا تذاكرها بالمنهج المصري.
يعني شنو؟
يعني تجيب كتب ثالث ثانوي منهج مصري وتتخيل انك ممتحن شهادة وخليك حفار احفظ وافهم المنهج المصري كلو من الان.
اذا عملت كده ان شاء الله ح تنجح.
اذا شهادتي قديمة اقدم في الموقع حق التقديم بعد داك أمتحن؟
لا، إذا شهادتك قديمة اصلا ما بتظهر في الموقع وما عندك علاقة بموقع التقديم، بتمشي بتسجل في مكان الامتحانات مباشر وبتمتحن.
يعني امتحن اون لاين؟
لالا لازم تكون موجود في مصر وتمتحن مباشر
طيب يا سيدي اذا نجحت حيدخلوني سنة كم؟
حتدخل سنة أولى.
وحتى لو أنا في السمستر السادس وكنت بدرس في المستحيلة؟
اي في الأزهر حتبدأ من أولى ولو كنت بتدرس في جامعة الخرطوم.
طيب في الجامعات المصرية التانية نفس الشي؟
لا ديل بقروش كتيرة وفيها ميزات
2.شهادتك لازم تكون نظيفة؟يعني شنو؟
يعني اذا شايل مادة وقدمت في الأزهر بعدين بختوا اسمك في لستة برا وبقولوا لك تعال شيل شهادتك دي.
3.طيب اذا شهادتي نظيفة وحديثة وما شايل مادة وقدمت في الأزهر أكيد حيشيلوني؟؟
نعم اذا قدمت أكيد ح يشلوك، بس ممكن ما يشلوك في رغبتك.
يعني عادتي اذا نسبتك ضعيفة شوية ممكن تقدم طب ويقبلوك تجارة
طيب اذا شالوني تجارة نعمل شنو؟
والله تاني تسك موضوع التحويل.
يعني في تحويل؟
اي ممكن تحول لعلوم، مختبرات، تمريض وكده.
ممكن أحول لطب؟
التحويل لكليات القمة صعب
ما هي كليات القمة؟
طب؛ طب أسنان؛ صيدلة؛ هندسة؛ زارعة.
طيب اذا قدمت وما شالوني في رغبتي، وجاتني لي قروش وعايز أقدم في موقع ادرس في مصر؟ نعمل شنو؟
تقوم تسحبك ملفك من الأزهر براحة.
على كل الطلاب الذين يحملون شهادة الأعوام التالية 2021 ، 2022 ،2023، 2024 سواء كنت في السودان او داخل مصر ، حاول إبدأ من الآن، الطلاب الفي مصر وثقوا شهاداتكم من السفارة السودانية ووزارة الخارجية المصرية وإستخرجو خطاب عدم الممانعة وخطاب معادلة الشهادة أيضا من السفارة والذين خارج مصر أرسلو 3صور من الجواز و6صور فوتوغرافية والرقم الوطني او شهادة الميلاد الأصل والشهادة السودانية الأصل وإذا عندك قريبك من الدرجة الأولى في مصر بسلم ليك عادي لو ما عندك زول في مصر أعمل توكيل من أقرب محامي لزول في مصر ورسلوا مع الورق
رسوم الازهر كم؟
السؤال دا الكان ح يجيب لينا مشكله السنه الفاتت لانو زي ما قلنا ليكم الطالب السوداني بعامل معاملة الطالب المصري يعني ماف رسوم بي عملة اجنبية واغلب الرسوم ما بتفوت الف جنية مصري فاغلب الطلبة واسرهم بعد قبولهم كان كل مره يمشو يسالو السؤال دا حتى ادارة الازهر اخرت لينا تسديد الرسوم بسبب الاسألة الكتيره وكنا متوقعين يغيرو الرسوم بس الله ستر ونزلت الرسوم زي ماهي ف برضو ياريت ماف الطلبة واسرهم ما يكررو الحركة دي زي طلبة السنه الفاتت واي حاجه نحن ح نفيدكم بيها واليوم مشو طلاب لي ادارة الجامعه عشان معلومات ورفضت الادارة تتعامل معاهم ونحن وريناكم بي الطريقه دي ح تضرو بعض وممكن ادارة الازهر تغير النظام ف عشان كدا بتمنى الاسر ما تمشي للأدارة كتير لانو كدا ح تضرو باقي الطلاب
حداثة المؤهل ده شنو؟
- ده نظام عاملاو جامعة الازهر للطلاب الشهاداتهم قديمه ماري عليها اكتر من ٤ سنين عشان يلتحقو بالجامعه لازم الاول يمتحنو امتحان حداثه المؤهل وينحجو فيو حتي يخشو .
طيب الامتحان ده عباره عن شنو؟
- الامتحان ده عباره عن منهج تالت ثانوي بتاعهم بس كل طالب بمتحن مواد معينه حسب تخصصو يعني ناس الكليات الطبيه بمتحنو في ( الكمياء ، الفيزياء احياء ) ، ناس هندسات ( كمياء ، فيزياء ، رياضيات ) ، ناس ادبي ( تاريخ ، جغرافيا ، انجليزي) .
طيب الامتحان بجي ساهل ولا صعب؟
- بجي ساهل يخوانا بس هم عايزنكم تثبتو ليهم انكم حفارين ومقطعنها بجد لازم تقرو كويس جدا لانو نسبة النجاح قليله جداااا الاجتياز في العلمي من 80% وفي الادبي 75% ومن ادبي في طلاب بجتازو بس من علمي ع مر السنين نجحت طالبه واحده بس.
زمن الامتحان متين؟
- ماف زمن محدد متي م فتحو باب الامتحان الناس بتمشي تسلم اوراقه وتمتحن .
الاوراق المطلوبه :
▪︎ الشهاده الثانوية الاصل موثقه من السفاره السودانيه والخارجيه المصريه .
▪︎ خطاب السفارة ( عدم الممانعه للدراسه بجامعه الازهر ).
▪︎ اقامه ساريه او كرت المفوضيه فيو اقامه ساريه .
▪︎ جواز سفر ساري للاطلاع عليه .
[ بنجيب الحاجات دي كلها وصور منها نسخه واحده ]
نقطه مهمه: استلام الملفات بفتح في فتره زمنية قصيره ( يمكن ٣ اسابيع بس) لازم الزول يكون جاهز من ناحيه اوراق ومزاكره في اي وكت عشان لو في اي لحظه فتحو باب استلام الملفات للامتحان الناس تكون جاهزه .
اخيراً وليس اخراً موضوع حداثة المؤهل ده م ليو علاقه نهائياً بالتقديم العام وم ليو علاقه نهائياً بامتحان تحديد المستوي بتاع المعاهد الازهريه ( كبار السن فوق لل ٢٠ سنه والاقل من ٢٠ سنه) .
▪︎ التقديم العام او التنسيق العادي ده للناس الشهاداتهم من 2021 ولفوق فقط .
▪︎ المعاهد تعليم قبل الجامعي وتفاصيلو براها حرفياً .
للناس الموجودين في مصر وعايزين يقدمو للازهر وشهاداتهم ضايعه وعندهم منها صوره جامعة الازهر بتقبل شهادات طبق الاصل حاليا انت ممكن تشيل صوره ملونه من الشهاده وتمشي السفاره تقول ليهم عايزها شهاده طبق الاصل المهم بشيلوها ويتحققو منها ويختموها ليك ويوثقوها وبس
المطلوبات بصورة مبسطة:
1/ اولا : الشهادة الثانوية
التوثيقات للطلاب السودانيين
في السودان
ختم التربيه والتعليم
ختم الخارجيه السودانيه
في مصر
ختم السفارة السودانيه في الدقي
بعدها تمشي الخارجيه المصريه في احمد عرابي او رمسيس
الطلبه الفي مصر
السفاره السودانيه ممكن تختم ليكم التلاته اختام وبعدها تمشو الخارجيه المصريه
بصورة اكتر تبسيط لازم شهادتك تكون فيها الاختام التالية :
١/ ختم الخارجية السودانية [ ممكن تعملها في السودان او السفاره السودانيه في القاهره]
٢/ ختم وزارة التربية والتعليم [ ممكن تعملو في السودان او السفارة السودانيه في القاهره ]
٣/ ختم السفارة السودانية في القاهره .
٤/ ختم وزارة الخارجيه المصريه في مصر
2/ ثانيا : شهادة ميلاد او رقم وطني.
3/ثالثا جواز ساري
اذا كنت متواجد في السودان فقط اما اذا كنت داخل مصر يشرط ان يكون الجواز ساري وبه ختم وصول اما كان جيت بوكو تاركو لازم يكون عندك كرت المفوضيه.
4/ رابعا الخطابين
الي هم خطاب عدم الممانعه و خطاب المعادله وهم مجاناً . [ للطلبة المتواجدين داخل السودان ممكن نستخرجهم ليكم نحن او اي شخص قريبك او صحبك ] .. المهم ممكن تشيل صورة من الشهادة الثانوية وتمشي السفارة تطلع خطاب المعادله للشهادة المصريه وقول ليهم عايز خطابين جامعه الازهر وشيل معاك اثبات للضمان رقم وطني مثلا ].
5/ خامسا التوكيل
للطلبة الخارج مصر اذا عندك قريب من الدرجه الاولى متواجد في مصر ما بتحتاج تعمل ليهو توكيل بقدم ليك عادي اما اذا ما عندك قريب من الدرجه الاولى لازم تعمل توكيل [ تم ارسال صيغة التوكيل اليكم ] .
6/ سادسا مطلوب ٦ صور فوتوغرافية حديثة بي خلفية بيضاء مقاس الصورة ٤×٦ .
في كم طالب سالني من التقديم في الجامعات المصريه والتقديم في الازهر بمعنى انو لو قدمت في الجامعات المصريه وجيت قدمت في الازهر عشان التقديم ما يضيع على وكدا ولازم اضمن الاتنين.
ممكن عادي تقدم في الاتنين لانو اصلا تقديم الازهر شهر 8 و التقديم العام شهر 6 تقريبا كل واحد فيهم قائم بذاته وجامعة الازهر عندها ادارة وافدين خاصه بيها بس المشكله في انو التقديم العام نتيجتك بعد فترة بسيطه حكاية زي 15 يوم من التقديم وبشترط عليك سداد رسوم الترشيح وهي قرابه ال 2 الف دولار واكتر ولازم تسددها والا قبولك بتلغي ف ح تنجبر تسددها عشان تضمن المقعد للجامعات المصريه ولمن تطلع نتيجه الازهر اللهي بتكون في نص 10 اذا تم قبولك وحبيت تدرس في الازهر رسوم الترشيح حقت التقديم العام الدفعتها للجامعات المصريه ما بترجع وبتكون خسرت حكايته بتاعت 3 الف دولار وشويه بي التقديم ف عشان كدا خلي بالك علي حاجه واحده وما تقدم في الازهر وتكون عايز تقدم في جامعه تانية لانو انت كدا شلت مقعد وكان اولى بيهو طالب محتاجو اكتر منك وما عندو رسوم زيك لي الجامعات المصريه
الشهادة الاجنبية من السعودية:
1/ ( شهادات Grade 9, 10, 11, 12 وشهادة التفاصيل Transcript وشهادة التخرج وشهادة الثانوية) بتكون كلها مختومة من المدرسة ووزارة التعليم السعودية والخارجية السعودية والملحق الثقافي المصري بالسعودية والقنصلية المصرية بالسعودية ..
2 /خطاب الموافقة على الدراسة بالازهر بيطلع من السفارة السودانية بمصر وبتم توثيقه بالخارجية المصرية.
3/ خطاب المعادلة بيطلع من الملحق الثقافي السعودي بالمهندسين بمصر وبتم توثيقه من الخارجية المصرية.
4/ شهادة SAT مستخرجة من الاميدايست بالقاهرة وموثقة بالخارجية المصرية.
5/ التوكيل
في اسأله متكرره وكتار البسألوني ليها في الخاص ف ح اجاوب عليها بي اختصار :
🛑 انا نسبتي كذا [...] هل ممكن يقبلوني الكلية الفلانيه ؟
شباب جامعة الازهر ما نزلت دليل قبول زي العندنا في الجامعات في السودان اضرب ليكم مثال بي كلية الهندسة السنه الفاتت كلية الهندسة شالت بنين من 64.8 تقريبا وشالت البنات من كم و 80 فهمتو .. وكل كلية عندها عدد طلبة وافدين معينة .
🛑 انا بدرس في السودان في تانية او رابعه او كدا في الجامعه الفلانية ..
الازهر مافيهو تحويل من جامعة تانيه للازهر يعني ما مهم السؤال دا وياريت ما يتسأل تاني اما ممكن تحول لي باقي الجامعه المصريه الاخرى اما الازهر ما بقبل تحويل .
🛑 الطلبة البسألو عن السكن الجامعي ومميزات المنحه برضو ح نفصل ليكم اي حاجه في وقتها ما تستعجلو .
*🛑 بي النسبة للشهادات القديمة برضو ح تنزل ليكم تفاصيل اكتر واكتر*
*🛑 واخيره اي حاجه ح ننزلها ليكم ونفيدكم بيها بس شويه صبر منكم وان شاء الله تكونو اضافة مميزه لي مجتمع أبناء السودان في الازهر الشريف* .
🛑 *في اسأله متكرره وكتار البسألوني ليها في الخاص ف ح اجاوب عليها بي اختصار :*
🛑 *انا نسبتي كذا [...] هل ممكن يقبلوني الكلية الفلانيه ... 🫴🏻*
*🔥 شباب جامعة الازهر ما نزلت دليل قبول زي العندنا في الجامعات في السودان اضرب ليكم مثال بي كلية الهندسة السنه الفاتت كلية الهندسة شالت بنين من 64.8 تقريبا وشالت البنات من كم و 80 فهمتو ... 🤏🏻 وكل كلية عندها عدد طلبة وافدين معينة* .
*🛑 انا بدرس في السودان في تانية او رابعه او كدا في الجامعه الفلانية ... 🫴🏻*
*🔥 الازهر مافيهو تحويل من جامعة تانيه للازهر يعني ما مهم السؤال دا وياريت ما يتسأل تاني اما ممكن تحول لي باقي الجامعه المصريه الاخرى اما الازهر ما بقبل تحويل* .
*🛑 الطلبة البسألو عن السكن الجامعي ومميزات المنحه 🔥🤏🏻 برضو ح نفصل ليكم اي حاجه في وقتها ما تستعجلو* .
*🛑 رسوم الازهر كم .. 🫴🏻*
*🔥 السؤال دا الكان ح يجيب لينا مشكله السنه الفاتت لانو زي ما قلنا ليكم الطالب السوداني بعامل معاملة الطالب المصري يعني ماف رسوم بي عملة اجنبية واغلب الرسوم ما بتفوت الف جنية مصري 🤏🏻 ف اغلب الطلبة واسرهم بعد قبولهم كان كل مره يمشو يسالو السؤال دا حتى ادارة الازهر اخرت لينا تسديد الرسوم بسبب الاسألة الكتيره وكنا متوقعين يغيرو الرسوم بس الله ستر ونزلت الرسوم زي ماهي ف برضو ياريت ماف الطلبة واسرهم ما يكررو الحركة دي زي طلبة السنه الفاتت واي حاجه نحن ح نفيدكم بيها 🤏🏻*
*🛑 بي النسبة للشهادات القديمة برضو ح تنزل ليكم تفاصيل اكتر واكتر*
*🛑 واخيره اي حاجه ح ننزلها ليكم ونفيدكم بيها بس شويه صبر منكم وان شاء الله تكونو اضافة مميزه لي مجتمع أبناء السودان في الازهر الشريف* .
*🔥حسين هشام شاطر [كلية الهندسة جامعة الازهر]*
منحة الأزهر المقدمة للطلاب الوافدين "منحة وفورات"
1. ما هي منحة وفورات ؟
هي منحة مقدمة من الأزهر للطلاب والطالبات الوافدين الملتحقين بجامعة الأزهر.
2. ما هي مزايا هذه المنحة ؟
أ- يتم إعفاء الطلاب المقدين على هذه المنحة من الرسوم السنوية للكليات سواء كانت بالجنيه الاسترليني أو الجنيه المصري.
ب- يحق للطالب المقيد على منحة أن يسكن بالسكن الجامعي المخصص للطلاب الوافدين.
ج- يعطى الطالبُ الملتحق بالمنحة مبلغًا ماليًا بالجنيه المصري شهريًا.
3. ما هي الجنسيات التي تُقبل في المنحة ؟
تقبل جميع الجنسيات ويمكن لأي طالب التقديم فيها.
4. متى يكون التقديم في منحة وفورات ؟
يكون التقديم عادةً في شهر يوليو ويمتد شهرين غالبًا.
5. كيف نقدم في هذه المنحة ؟
يتم نشر رابط عبر الصفحة الرسمية المتعلقة بالمنح في الفترة التي ذكرناها أعلاه، ثم يقوم الطالب بملء بعض البيانات التي تدل عليه وعلى الكلية الملتحق بها، ثم عليه الانتظار حتى تُنشر أسماء المقبولين، وتنشر عادة في شهر نوفمبر أو ديسمبر على نفس الصفحة.
6. ماذا أفعل إذا ظهر اسمي ؟
إذا ظهر اسمك فقد تم قبولك في المنحة -مبدئيًا- وعليك انتظار منشور آخر (على نفس الصفحة) يوضح الأوراق المطلوبة ويوضح الموعد الذي تقدمها فيه.
7. وماذا إن لم يظهر اسمي ؟
إن لم يظهر اسمك فأنت للأسف غير مقبول في المنحة، وهذا قد يكون بسبب عدم إرسال البيانات الصحيحة أو بسبب اكتمال الأعداد.
8. هل تحتاج المنحة تجديدًا ؟
نعم، يكون هناك تجديد للأوراق سنويًا ويكون عادة في شهر أكتوبر.
9. هل يمكن التقديم في المنحة لغير طلاب الأزهر ؟
لا يمكن الالتحاق بهذه المنحة إلا لطلاب الأزهر.
10. هل يوجد منحة للدراسات العليا ؟
نعم يوجد ويكون الرابط على نفس الصفحة ولكن قد تختلف بعض التفاصيل عن التي ذكرناها.
—————————